इटहरी । यामाहा ब्रान्डका दुईपांग्रे सवारीको आधिकारिक विक्रेता तिरुपति अटोसिटीले इटहरीको पश्चिमलाइनमा अझै ज्यादा धेरै, विश्वास साथमा चावी हातमा’ भन्ने नारासहित ‘मेगा एक्सचेन्ज मोटरसाइकल मेला माघ ११ गतेदेखि सुरु भएको छ । माघ १६ गतेसम्म सञ्चालन हुने उक्त मेलाले ग्राहकलाई आकर्षक सुविधा र सहुलियतमार्फत नयाँ मोटरसाइकल खरिद गर्न प्रोत्साहित गर्ने तिरुपति अटोसिटीका संचालक संजोग पराजुलीले जानकारी दिएका छन् ।
मेलामा पुरानो सवारी साटेर नयाँ मोटरसाइकल लिन चाहने ग्राहकका लागि ग्यारेन्टर आवश्यक नपर्ने, घरमै आउनु नपर्ने तथा आय–प्रमाणपत्र बिना नै प्रक्रिया पूरा गर्न सकिने व्यवस्था गरिएको छ ।
यसका साथै, नयाँ यामाहा मोटरसाइकल खरिद गर्ने ग्राहकलाई रु. ७,००० क्यास डिस्काउन्ट, भ्यालु एडीसन रु. ८००० र फ्री हेल्मेट पाइने अटो सिटीले जनाएकोछ ।
