धिरेन्द्रकुमार चौधरी रामधुनी । युरीया मल किन्न सुनसरीको रामधुनी नगरपालिका वडा नम्बर ९ का कृषकहरू आइतबार रातभरी र सोमबार दिनभरी लाइनमा बसेका छन् । आइतबार युरीया मल आएकोले सोमबार बिहान १० बजेदेखि युरीया मल बिक्री हुने खबर पाउना साथ किसान थाह पाएर रातिदेखिनै लाइनमा बसेका हुन् । मल बिक्रि केन्द्र बिहान १० बजे खुल्ने र ५ बजे बन्द हुने गर्छ । अगाडि लाइनमा बसेपछि मल पाउने आशामा एक दिन अगाडिदेखिनै किसान लाइनमा बस्न बाध्य भएका हुन् । लाइनमा आ– आफ्ना बोरा राखी आफ्न्तकोमा र चौतारामा कुरेर किसान बसेका थिए । रामधुनी नपा–९ मा नव जागरण महिला कृषि सहकारी संस्थाले मल बिक्री गर्छन् । सोमबार त्यहाँ मल किन्न किसानको भिड नियन्त्रण गर्नका लागी प्रहरी समेत परिचालन गरिएको थियो । यसैगरी रामधुनी नपा–१ स्थित रहेको झुम्का बहुउद्देश्यीय सहकारी सस्था लि. मा पनि सोमबार मल किन्न किसानको दिनभरी भिड रह्यो । भिड नियन्त्रणका लागी प्रहरी परीचालन गरीएको थियो । सस्थाका प्रमुख हरिनारायण चौधरीले माग अनुसार युरीया मल नआउदा किसानको माग अनुसार बिक्री गर्न नसकेको बताए ।
