इटहरी । इटहरीमा सेलुन एकेडेमि मेकअप स्टुडियो शुक्रबार बाट सञ्चालनमा आएको छ । उक्त मेकअप स्टुडियोको निल डेबिड कट्वालले शुक्रबार उद्घाटन गरेका छन् । ५ वर्षसम्म अस्ट्रेलियामा मेकअप स्टुडियो सम्बन्धि कोर्ष सकेर नेपाल आएकी जेनिसा पराजुलीले आफूले सिकेको ज्ञानको प्रयोग नेपालमै गर्नु पर्छ भन्ने उद्देश्यले स्टुडियो सञ्चालनमा ल्याएको बताएकी छन् । स्टुडियोमा सुरुवाती समयमा ६ जना भन्दा बढिलाई प्रत्यक्ष रुपमा रोजगारी दिएको उनले बताइन् ।
सेलुन एकेडेमि मेकअप स्टुडियोमा महिला र पुरुष दुबैलाई सेवा प्रवाह गर्ने समेत उनले जानकारी दिइन् । कार्यक्रमका प्रमुख अतिथि निल डेबिड कट्वालले सेलोन मेकअप स्टुडियो संचालनमा आउदा आफु धेरै खुसि भएको बताएका छन् । निल डेबिडले देश–विदेशमा गरेर २८ वटा भन्दा बढि स्टुडियो संचालन गरेको समेत बताए । हालसम्म उनले एक हजार भन्दा बढि मानिसलाई रोजगारी दिएको जानकारी दिएका छन् ।
निल डेबिडले नेपाल, भारतमा समेत हेयर सैलुन तथा ब्युटिपार्लर संचालन गर्दै आएका छन् र पछिल्लो समयमा उनले दुबइमा समेत पार्लर संचालन गर्न सम्झौता गरेर आएको बताएका छन् । त्यसैगरि मेकअप स्टुडियो संचालनमा आउदा धेरै युवा युवतीले रोजगारी पाउने बिशिष्ठि अतिथि इटहरी वडा नम्बर ६ का वडा अध्यक्ष दिवस पोख्रेल आशा व्यक्त गरेका छन् । उनले इटहरी व्यवसायिक हवको रुपमा परिचित हुदै गरेको समयमा यस प्रकारका व्यवसायले थप युवायुवतीहरुमा व्यवसायप्रति उर्जा थपिने विश्वास व्यक्त गरे ।
