रामधुनी । इटहरी उपमहानगरपालिका वडा नम्बर १८ मा रहेको सनेश कृषि सहकारी सस्था लि. ले उन्नत जातका बोयर बाख्रा संस्थाका आठ जना शेयर सदस्यलाई बितरण गरेको छ ।
बाख्राको नश्ल सुधारका लागि बितरण गरिएको हो । बोयर बाख्रा पाउनेमा संस्थाका आठ जना सदस्यहरु पुष्पलाल चौधरी, गोविन्द चौधरी, बिनोद चौधरी, सिरबिङ राई, अशोक चौधरी, उषा गुरुङ, उर्मिला चौधरी, लालु चौधरी रहेका छन् । कार्यक्रममा इटहरी उपमहानगरपालिका वडा न. १८ का वडा अध्यक्ष रामकुमार चौधरी, संस्थाका अध्यक्ष राजदेव चौधरी, खेमराज अधिकारी, तेज नारायण चौधरी लगायतले बाख्रा बितरण गरेका थिए ।
यस अघि भएको कार्यक्रममा वडा अध्यक्ष चौधरीले गरिबी निवारणका लागि आय आर्जन गर्न सहकारी, समूहमा इटहरी उपमहानगरको बाख्रा बितरण अनुदान कार्यक्रम रहेको जानकारी गराए ।
कार्यक्रममा राजु अधिकारीले आफू वैदेशिक रोजगार छाडी अहिले गाउमै बाख्रा पालन गरी आम्दानी गरिरहेको बताए । उनले बाख्राको नश्ल सुधारका लागि बोयर बाख्रा रहेको बताउदै बोयर जातको बाख्रा अन्य बाख्रा भन्दा ठुलो हुने जानकारी दिए । सो कार्यक्रम आयोजक संस्थाका अध्यक्ष राजदेब चौधरीको अध्यक्षतामा भएको थियो । कार्यक्रममा उनले संस्थाले नियम अनुसार बाख्रा खरिद गरी बितरण गरिएको जानकारी दिए ।
