इटहरी । सुनसरीको इटहरीका दुई युवाहरु रितेश श्रेष्ठ र शैलेश विष्ट प्रदेश नम्बर एकको खेलकुद विकास बोर्डको सदस्यमा नियुक्त भएका छन् ।
प्रदेश खेलकुद ऐन २०७६ को दफा ३ को उपदफा २ बमोजिम प्रदेश खेलकुद विकास बोर्डको सदस्यमा श्रेष्ठ र विष्टलाई नियुक्त गरिएको प्रदेश सरकारको सामाजिक विकास मन्त्रालयले जनाएको छ ।
श्रेष्ठ अखिल नेपाल खेलकुद महासंघका केन्द्रिय सचिब एवम् प्रदेश १ संयोजक हुन् भने विष्ट राष्ट्रिय तेक्वान्दो संघका अध्यक्ष हुन् ।
प्रदेश सरकारको बैठकले अघिल्लो खेलकुद विकास बोर्डका पदाधिकारीलाई बिस्थापित गरी नयाँ पदाधिकारी नियुक्त गरेको हो ।
