इटहरी । इटहरी वडा नम्वर ६ स्वागत टोलका महिला कौशीखेतीमा आकर्षित भएका छन् । उनीहरुले कौशीखेती गर्न २ वटा समूह नै निर्माण गरेका छन् ।
बजार क्षेत्रका महिलामा कौशीखेतीप्रतिको आकर्षण देखेर इटहरी उपमहानगरले स्वागत टोल विकास सस्था मार्फत ३० जना महिलालाई कौशीखेती सम्वन्धि तालिम दिएर आवश्यक समाग्री समेत उपलब्ध गराएको छ ।
उपमेयर आत्मनिर्भर कार्यक्रम अन्तर्गत तालिम दिएर आवश्यक समाग्री डमस्टेन, हजारी र मलविउ उपलब्ध गराइएको हो । उपमेयर लक्ष्मी गौतम तथा वडा नम्वर ६ का अध्यक्ष दीपक गौतमले ती समाग्री हस्तान्तरण गर्नुभयो ।
उपमेयर लक्ष्मी गौतमले इटहरीलाई तरकारीमा आत्मनिर्भर बनाउने योजना अन्तर्गत बजारका महिलालाई कौशीखेतीका लागि तालिम र आवश्यक समाग्री सहयोग गरिएको बताउनुभयो । उहाँले नमूनाकौशी खेती गर्न सल्लाह दिनुभयो ।
उपमहानगरले आगामी वर्षको वजेटमा समेत १५ लाख रुपियाँ कौशीखेतीका लागि प्रस्ताव गरिएको बताउनुभयो । वडा नम्वर ६ का वडाध्यक्ष दीपक गौतमले बजार क्षेत्रमा ठाँउ सुहाउदो काम अघि वढेकोमा खुशि ब्यक्त गर्नुभयो । उहाँले वडाका एकसय पचास घर लक्षित गरेर कौशीखेतीका लागि ब्यवस्थित र सुदृढ तालिम प्रदान गरिने वताउनुभयो ।
उपमहानगर सामाजिक विकास शाखाकी अघिकृत मायाँ राईले कौशीखेतीवाटै पहिचान वनाउन शुभकामना दिनुभयो । स्वागत टोल विकास संस्थाकी अध्यक्ष भद्रा थापाले तालिममा सिकेको ज्ञानलाई ब्यवहारमै उर्तान सुझाव दिनुभयो ।
