इटहरी । संखुवासभाको मादी माध्यमिक विद्यालय पूर्व विद्यार्थी मञ्चको प्रथम अधिवेशन शनिबार इटहरीस्थित कुबेर होटलको सभाहलमा सम्पन्न भएको छ । अधिवेशनले होमराज दाहालको अध्यक्षतामा सर्वसम्मत नयाँ कार्यसमिति चयन गरेको छ ।
नवनिर्वाचित कार्यसमितिको उपाध्यक्षमा राधिका कार्की (बस्नेत), सचिवमा रामकुमार दाहाल, सहसचिवमा राजेश दाहाल र कोषाध्यक्षमा रामबाबु दाहाल चयन भएका छन् ।
त्यसैगरी सदस्यहरूमा तोयानाथ दाहाल (बासु), टंक दाहाल, ओमनाथ निरौला, राजन केडी, विष्णुप्रसाद दाहाल, सुमन दाहाल र चन्द्रमणि सुवेदी रहेका छन् ।
कार्यक्रमको सञ्चालन सचिव रामकुमार दाहालले गरेका थिए भने अध्यक्षता होमराज दाहालले गरेका थिए । कार्यक्रममा प्रमुख अतिथिका रूपमा कोशी प्रदेश सरकारका आर्थिक मामिला तथा योजना मन्त्री तथा मादी माविका पूर्व विद्यार्थी बिदुर लिंथेप सहभागी थिए ।
प्रमुख अतिथि लिंथेपले मादी माध्यमिक विद्यालयको थप विकासका लागि पूर्व विद्यार्थीहरूको सक्रिय भूमिका आवश्यक रहेको बताए । उनले मादी हरेक क्षेत्रमा अग्रणी बन्दै गएको उल्लेख गर्दै मादी माविलाई शिक्षक उत्पादन गर्ने केन्द्रका रूपमा परिचित विद्यालय भएको बताए । बदलिँदो विश्वअनुसार शिक्षामा पनि समयसापेक्ष परिवर्तन आवश्यक रहेको उनको भनाइ थियो । उनले भविष्यमा मादी क्षेत्रमा एउटै सशक्त विद्यालय निर्माण गरी चारदेखि पाँच हजार विद्यार्थीलाई गुणस्तरीय शिक्षा दिने वातावरण तयार गर्नुपर्ने धारणा व्यक्त गरे ।
मञ्चका संस्थापक अध्यक्ष पदमप्रसाद दाहालले नवनिर्वाचित कार्यसमितिलाई सफल कार्यकालको शुभकामना व्यक्त गर्दै विद्यालय र पूर्व विद्यार्थीबीचको सम्बन्ध अझ सुदृढ बनाउन आग्रह गरे ।
कार्यक्रममा मादी माविका पूर्व विद्यालय व्यवस्थापन समिति अध्यक्ष विष्णुप्रसाद दाहाल, पूर्व विद्यार्थी दिनेश भट्टराई तथा गणेशकुमार दाहालले शुभकामना मन्तव्य व्यक्त गरेका थिए । स्वागत मन्तव्य रामबाबु दाहालले दिएका थिए । अधिवेशनमा कोषाध्यक्ष भोजराज घिमिरेले आर्थिक प्रतिवेदन, सचिव रामकुमार दाहालले सांगठनिक प्रतिवेदन तथा लेखापरीक्षक धनप्रसाद प्याकुरेलले लेखापरीक्षण प्रतिवेदन प्रस्तुत गरेका थिए । विद्यालयका प्रधानाध्यापक विश्वनाथ सुवेदीले मादी माध्यमिक विद्यालयको वर्तमान अवस्था, शैक्षिक गतिविधि तथा आगामी योजनाबारे जानकारी गराएका थिए । कार्यक्रममा विद्यालय तथा समाजमा योगदान पु¥याएका सुमन केसी, डिक केसी, जगत बर्देवा, दिनेश भट्टराई, जनार्दन दाहाल, प्रेमकुमार गुरुङ र टङ्क कार्कीलाई सम्मान गरिएको थियो । विशेष रूपमा दिनेश भट्टराईलाई २०२५ सालमा मादी माध्यमिक विद्यालयबाट एसएलसी उत्तीर्ण गरेको स्मरण गर्दै सम्मान गरिएको आयोजकले जनाएको छ । निर्वाचन समिति संयोजक शान्तराम कार्की तथा सदस्यहरू भोजराज घिमिरे र गणेश दाहालको संयोजनमा सम्पन्न अधिवेशनले मञ्चलाई थप सक्रिय र प्रभावकारी बनाउने विश्वास सहभागीहरूले व्यक्त गरेका छन् ।
