कुमोद अधिकारी
विराटनगर । गणतन्त्र दिवशको अवसरमा विराटनगरमा शुक्रबार विहान वृहत प्रभातफेरीको आयोजना गरियो । गणतन्त्र दिवश मुलसमारोह समितको आयोजनामा निस्केको प्रभातफेरीले नगरको विभिन्न भागको परिक्रमा गरेको छ ।
वाजावागजा झाँकि सहित निस्केको प्रभातफेरीमा कोशी प्रदेस सरकारका मन्त्री, राष्ट्रसेवक कर्मचारी, विभिन्न संघसंस्थाका प्रतिनिधि, विद्यार्थी, उद्योगी व्यापारी, सुरक्षा निकायका प्रमुख नेपाल प्रहरी, सशत्र प्रहरी तथा सर्वसाधारणको उल्लेखनिय सहभागिता रहेको थियो ।
जिल्ला प्रशासन कार्यालय मोरङको परिसरवाट निस्केको प्रभातफेरी विराटनगरको विरेन्द्र सभागृहमा स्थित अहिलेको प्रदेससभा हलमा आएर कोणसभामा परिणत भएको थियो ।
सो अवसरमा कोशी प्रदेसका मुख्यमन्त्री हिक्मतकुमार कार्कीले गण्तन्त्रको उपलव्धिको रक्षाका परिवर्तनकारी शक्तिविचको एकता आवश्यक रहेको वताउनुभयो ।
नेपाली जनताको त्याग र वलिदानबाट आएको संघिय लोकतान्त्रिक गणतन्त्रात्मक व्यवस्थाका कारण मुलुकमा युगान्तकारी परिवर्तन भएकाले यसको संस्थागत विकासमा उहाँले जोड दिनुभयो । लोकतान्त्रिक गणतन्त्र शासन व्यवस्था नेपालको वर्तमान तथा भविष्यको आधार भएकाले लोकतान्त्रिक संविधानको रक्षा गर्दै गणतन्त्रलाई अझ सुदृढ, उत्तरदायी, पारदर्सी र जनमुखी वनाउनु आजको आवश्यता रहेको उहाँले वताउनुभयो ।
मुलुकमा सुशासन तथा समवृद्धि कायम गर्ने दिसामा प्रदेस सरकार अघि वढेको उहाँको भनाई थियो । पछिल्लो समय लोकतान्त्रिक गणतन्त्रको आधारमा माथि अविश्वास फैलाउने प्रवृति देखिन थालेको प्रति सचेत रहन उहाँले आग्रह गर्नुभयो । कार्यक्रममा कोशी प्रदेसका प्रदेस प्रमुख पर्शुराम खापुङको पनि सहभागिता थियो ।
सो अवसरमा मुख्य मन्त्री कार्कीले प्रभातफेरीको झाँकीमा सहभागि भएका एक दर्जन विभिन्न जाती समुदायका झाँकीहरुलाई नगद सहित कदरपत्रद्वारा सम्मान गर्नु भएको थियो ।
