काठमाडौं । काठमाडौंको थापा गाउँ, नयाँ बानेश्वरस्थित धवन्तरी आयुर्विज्ञान अध्ययन संस्थान एण्ड हस्पिटल प्रा.लि.ले शैक्षिक सत्र २०८३ । ०८४ का लागि ‘डिप्लोमा इन आयुर्वेद असिस्टेन्ट’ (३वर्षे) कार्यक्रममा छात्रवृत्ति तथा पूर्ण शुल्कीयतर्फ भर्ना खुला गरेको छ । आयुर्वेद तथा प्राविधिक शिक्षाप्रति आकर्षण बढिरहेको वर्तमान समयमा संस्थानले सीमित ४० सिटमा मात्रै विद्यार्थी भर्ना गर्ने जनाएको छ ।
एसएलसी वा एसइई उत्तीर्ण विद्यार्थीहरूले आवेदन दिन सक्ने यस कार्यक्रममा अध्ययनसँगै व्यवहारिक सीप, अस्पतालमा प्रत्यक्ष अभ्यास तथा गुणस्तरीय शिक्षालाई विशेष प्राथमिकता दिइने संस्थानले जनाएको छ ।
संस्थानको विशेषता भनेको निजी क्षेत्रमै सबैभन्दा ठूलो आफ्नै आयुर्वेद अस्पताल सञ्चालनमा हुनु हो । आधुनिक तथा व्यवहारिक शिक्षण प्रणालीमार्फत उत्कृष्ट नतिजा ल्याउँदै आएको कलेजले नेपालकै उत्कृष्ट नतिजा हासिल गर्न सफल भएको दाबी गरेको छ ।
विद्यार्थीहरूको सहजताका लागि सिटीइभिटी अन्तर्गतका कुनै पनि कार्यक्रमको अनलाइन आवेदन फाराम भर्न समेत सहजीकरण गरिने व्यवस्था गरिएको छ ।
आयुर्वेद क्षेत्रमै उज्ज्वल करिअर बनाउन चाहने विद्यार्थीका लागि यो अवसर महत्वपूर्ण मानिएको छ । संस्थानले दक्ष जनशक्ति उत्पादन गर्दै स्वास्थ्य क्षेत्रमा योगदान पुर्याउने लक्ष्यसहित अध्यापन गराउँदै आएको जनाएको छ ।
