इटहरी । नेपाल दशनामी समाज, सुनसरी अन्तर्गत गठन भएको युवा समितिको दोस्रो अधिवेशन सोमबार सम्पन्न भएकोछ । समाजको भावी नेतृत्व निर्माण तथा सांगठनिक विस्तारमा युवाहरूको सक्रिय सहभागिता आवश्यक रहेको ठहर गर्दै अधिवेशनले नयाँ कार्यसमिति चयन गरेको छ ।
तेजबहादुर (सन्तोष) पुरीको अध्यक्षतामा १५ सदस्यीय युवा कार्यसमिति गठन गरिएको निर्वाचन समिति संयोजक जंगराज गिरीले जानकारी दिए । समितिको उपाध्यक्षमा प्रदीप पुरी, सचिवमा राजु गिरी, सहसचिवमा गणेश गिरी र कोषाध्यक्षमा दीपक पुरी चयन भएका छन् ।
त्यसैगरी, नवगठित समितिमा सुप्रिया पुरी, कुशल गिरी, घनश्याम पुरी, राजेश वन, महेश वन, अर्जुन पुरी, कविन गिरी, शुभकला पुरी, प्रकाश गिरी र सुभाष वन सदस्यका रूपमा रहेका छन् ।
कार्यक्रममा नेपाल दशनामी समाजका केन्द्रीय उपाध्यक्ष तेजबहादुर पुरी तथा युवा समिति केन्द्रीय अध्यक्ष अर्जुन गिरीको विशेष उपस्थिति रहेको थियो । उनीहरूले युवाहरूको सक्रिय सहभागिताले दशनामी समाजको हकहित प्रवद्र्धनमा ठोस योगदान पुर्याउने अपेक्षा व्यक्त गरे ।
यस अधिवेशनले दशनामी समाजभित्र युवाहरूको नेतृत्व क्षमता विकास गर्नुका साथै सामाजिक अभियानहरूमा उनीहरूको भूमिकालाई अझ प्रभावकारी बनाउने कार्यक्रम ल्याउने समाजका केन्द्रीय उपाध्यक्ष तेजबहादुर पुरीले बताए ।
