स्पेन । स्पेनस्थित नेपाली जनप्रगतिशील मञ्चको केन्द्रीय समिति हालै बसेको बैठकबाट विस्तार गरिएको छ । बैठकले संगठनको कार्यदिशा अझ प्रभावकारी बनाउन ११ जना नयाँ सदस्यहरूलाई मनोनयन गर्दै केन्द्रीय समिति विस्तार गरेको हो ।
नयाँ मनोनीत सदस्यहरूमा सचिन नेपाल, सूर्यबहादुर श्रेष्ठ, तेजेन्द्र मैनाली, ताराप्रसाद पराजुली, सूर्यप्रसाद पौडेल, शिव विश्वकर्मा, कृष्ण पुन, प्रेम किसन, रामप्रसाद ढकाल, अनन्त तिखत्री र उत्तम गुरुङ्ग रहेका छन् ।
समितिमा समावेश गरिएका सदस्यहरूले प्रवासमा रहेका नेपाली समुदायको हितका लागि सक्रियरूपमा काम गर्ने प्रतिबद्धता जनाएका छन् । नवनियुक्त सदस्य सचिन नेपालले स्पेनमा विभिन्न पेशा तथा व्यवसायमा संलग्न नेपालीहरूको हकहितको संरक्षण र प्रवासी समुदायको एकता सुदृढीकरणका लागि आफू क्रियाशील रहने प्रतिवद्धता व्यक्त गरेका छन् ।
