बाबुराम मुडियारी
मोरङ । ‘हरियाली बढाऔँ, वातावरण स्वच्छ राखौँ’ भन्ने नाराका साथ आज विभिन्न कार्यक्रमहरू गरी राष्ट्रिय बृक्षरोपण दिवसको अवसरमा अवसरमा मोरङको लेटाङमा जन चाहना सामुदायिक वन क्षेत्रमा सोही सामुदायिक वन उपभोक्ता समूहले साल, कर्मा, जामुन, निम लगायतका ४ हजार विरुवा रोपेको छ ।
वृक्षरोपण कार्यक्रममा सहयोगी संस्थाहरु पर्यटन वन तथा वातावरण मन्त्रालय, कोशी प्रदेश, डिभिजन वन कार्यालय मोरङ र लेटाङ नगरपालिका–२ नम्बर वडा कार्यालय रहेका थिए । सो वृक्षरोपण कार्यक्रममा प्रमुख अतिथि वन तथा वातावरण कोशी प्रदेशका मन्त्री सदानन्द मण्डल, कोशी प्रदेश सांसद खडग बस्नेत, लेटाङ नगर प्रमुख भुुपेन्द्र लावती, डिभिजन वन कार्यालय मोरङका डिभिजनल वन अधिकृत उत्सव थापा, डिभिजन वन कार्यालय मोरङका वन अधिकृत राम लखन ठाकुर, पृर्वी पृतना तालिम शिक्षालय लेटाङका प्रमुख सेनानी सरोज कार्की लगायतको सहभागिता रहेको थियो । कार्यक्रममा वक्ताहरुले वृक्षरोपण गरी वातावरण स्वच्छ राख्ने कार्यहरू गर्नुपर्ने बताउँदै विरुवा रोपन गरी विरुवालाई संरक्षण गरी हरियाली सगै स्वच्छ वातावरण बनाउनुपर्ने कुरामा जोड दिएका थिए । वृक्षरोपण कार्यक्रम जनचाहना सामुदायिक वन उपभोक्ता समूहका अध्यक्ष खगेन्द्र नेपालको अध्यक्षतामा सम्पन्न गरिएको थियो ।
