विराटनगर । मनमोहन विश्वविलायको र्ईन्स्टिच्युट अफ ल कलेजले कानुन दिवसको अवसरमा कानुनबारे हाजिरी जवाफ प्रतियोगिता आयोजना गरेको छ ।
शुक्रबार ७३ औ राष्ट्रिय कानुन दिवसको अवसरमा विश्वविद्यालयको मनमोहन ईन्स्टिच्युट अफ लको विराटनगर शनिहाट स्थित काुनन कलेजमा विद्यार्थीहरु विच काुननबारे हाजिरी जवाफ प्रतियोगिता आयोजना भएको हो ।
स्नातक तहको विविए एलएलबीमा अध्यनरत विद्यार्थीहरुलाई पढेका कानुनी कुराहरु स्मरण गराउन हाजिरी जवाफ प्रतियोगिता आयोजना गरिएको कलेजका प्रिन्सिपल कोषराज न्यौपानेले बताए ।
अध्यनरत विद्यार्थीलाई छ वटा समूहमा विभाजन गरेर कानुनबारे हाजिरी जवाफ प्रतियोगिता मार्फत पढेका बिषयहरुबाट प्रश्नहरु सोधेर कानुनी कुराहरु स्मरण गराइको शिक्षक गोबिन्द निरौलाले जानकारी दिए ।
प्रतियोगितामा विजयी र सहभागी विद्यार्थीहरुलाई मनमोहन विश्वविद्यालयका रजिष्ट्रार डा दिलनाथ फुँयाल, डिन प्रा डा प्रचण्डमान प्रधान, रेडक्रस सोसाईटी मोरङका अध्यक्ष सुकदेव मण्डल र मनमोहन पोलिटेक्निकका प्राचार्य सुदिप अधिकारीले पुरस्कार वितरण गरेका थिए ।
मनमोहन प्राविधिक विश्वविद्यालयको ईन्स्टिच्युट अफ ल कलेजमा चालु शैक्षिक सत्रदेखी स्नातक तहको पाँच बर्षे विविए एलएलबी र अपराध कानुनमा स्नातोकोत्तर तहमा एलएलएम पढाई सुरु भएको हो ।
