इटहरी । सुनसरीको गढी गाउँपालिका ६ नम्बर वडाको वडाध्यक्ष पदका लागि नेकपा माओवादी केन्द्रबाट कुशेश्वर खेरवार यादवले आइतबार उम्मेदवारी दर्ता गराएका छन् ।
उनलाई जनता समाजवादी पार्टीले सो पदमा समर्थन गरेकोछ ।
माओवादी केन्द्रकी केन्द्रीय सदस्य तथा पूर्व राज्यमन्त्री रामकुमारी चौधरी, सुनसरी जिल्ला इन्चार्ज निर्मल बराल, मजदुर फाँट इन्चार्ज डम्बर सुवेदी (हिमाल), प्रदेश नं. १ सभा सदस्य सपना परियार, संविधानससभा सदस्यहरु सदस्य अनिता परियार, सन्तोष थारु, जिल्ला पार्टी संयोजक पप्पु मण्डललगायतको नेतृत्वमा दुबै पार्टीका सयौं नेता कार्यकर्तासहित खेरवारले उम्मेदवारी दर्ता गराएका हुन् ।
दुबै पार्टीका नेता, कार्यकर्ता सम्मिलीत ३ सय ५१ जनाको संयुक्त निर्वाचन परिचालन समित गठन गरिएको केन्द्रीय सदस्य रामकुमारी चौधरीले जानकारी दिइन् । यो चुनाव परिचालन समितिको नेतृत्व प्रभुलाल अरगरिया यादब र ध्रुवनारायण चौधरीले गर्नेछन् ।
