इटहरी । पूर्वेली क्लब इटहरी–४ ले १ हजार थान विभिन्न जातको बिरुवाहरु यस वडाक्षेत्र भित्र रहेका सबै टोल बिकास संस्था र बिद्यालयहरुलाई वितरण गरेकोछ । वडालाई वातावरणमैत्री बनाई पर्यावरण जोगाउन सहज होस् भनि बिरुवा वितरण गरिएको सोही क्लबका अध्यक्ष झलक वनले बताए ।
विरुवा वितरण कार्यक्रमका प्रमुख अतिथि इटहरी जेष्ठ नागरिक समाजका अध्यक्ष खगेन्द्र निरौला रहेका थिए । विशिष्टहरु अतिथि क्लबका संस्थापक संरक्षक सदस्य रमेश खत्री, कचना माबिका प्रधानाध्यापक हरिशंङ्कर घिमिरे, वडा सदस्य अमृत बस्नेत लगायत टोलबिकास संस्थाका अध्यक्षहरुको उपस्थिति रहेको थिए ।
क्लबका संरक्षक सदस्य खत्रीले रोप्ने भन्दा पनि रोपेको बिरुवाहरुको संरक्षण गर्नु र धेरै बिरुवा हुर्काउनु महत्वपूर्ण भएको बताउदै टोलवासीलाई रोपिएका विरुवाको स्याहार हेरचाह गर्न अनुरोध गरेका थिए । साथै प्रमुख अतिथि निरौलाले वातावरण जोगाउने कार्यमा सबै टोलवासीको निरन्तर साथ सहयोग हुनुपर्ने बताए ।
