इटहरी । इटहरी वडा नं. १ मा सञ्चालित राष्ट्रिय माध्यमिक विद्यालयका पूर्व प्रधानाध्यापक एवम् अक्षयकोष दाता स्व. लोकेन्द्रप्रसाद अधिकारीको वार्षिक पुण्य तिथिको अवसरमा बुधबार विद्यार्थीको स्वास्थ्य परीक्षण गरिएको छ।
स्वर्गीय अधिकारीको परिवारका तर्फबाट विद्यालयमा अध्ययनरत बालबालिकाहरुका लागि बाल रोग तथा दन्त रोग शिविर आयोजना गरिएको हो । जसमा ८२ जना बाल रोगी र १३१ जना दन्त रोगीहरुको स्वास्थ्य परीक्षण सम्पन्न गरियो । स्वर्गीय अधिकारीका धर्मपत्नी दूर्गादेवी अधिकारी, छोरा नवराज अधिकारीलगायत अधिकारी परिवारको अगुवाईमा शिविर आयोजना भएको विद्यालयका सहायक प्रधानाध्यापक लक्ष्मी सुवेदीले बताए।
