इटहरी । इटहरी बजार क्षेत्रलाई आगलागीबाट सुरक्षित राख्न इटहरी उपमहानगरपालिकाको वडा नम्बर ६ ले आगो निभाउने सिलिन्डर वितरणको काम सुरुवात गरेको छ ।
इटहरी ६ कै संगित चोक बजार क्षेत्रका व्यवसायीहरुको सुरक्षालाई मध्यनजर गर्दै संगीत चोक टोल विकास संस्था र संगीत चोक बजार व्यवस्थापन समितिलाई पहिलो चरणमा ६ थान सिलिण्डर हस्तान्तरण गरिएको हो ।
समिति मार्पmत यस क्षेत्रमा आगलागीबाट बचाउन सहज होस् भन्ने उद्देश्यले संगीत चोक टोल बिकास समितिका अध्यक्ष हेमसागर सुवेदी र बजार व्यवस्थनपनका अध्यक्ष प्रविण जयसवाललाई इटहरी उप महानगरपालिकाका प्रवक्ता तथा वडा नम्बर ६ का अध्यक्ष दिवश पोखे्रल र वडा सचिव घनश्याम गिरीले हस्तान्तरण गरेका थिए ।
इटहरी वडा नम्बर ६ मा धेरै जसो बजार क्षेत्र रहेकोछ । बजार क्षेत्रमा आगलागी घटनाहरुलाई कसरी न्यूनीकरण गर्न सकिन्छ भनेर यस्तो कदम चालिएको वडाले जनाएको छ । विगतमा इटहरीमा आगलागीबाट धेरै क्षति भएका घटनाहरु छन् । यस्ता घटनाबाट हुने क्षतितर्फ मध्यनजर गर्दै वडा नम्बर ६ ले आगो निभाउने फायर फाइरिङ सिलिन्डर इटहरी बजार क्षेत्रमा पहिलो ५० थान वितरण गरिने अध्यक्ष दिवश पोखे्रलले बताए ।
त्यस्तै, बजार व्यबस्थापन समितिका अध्यक्ष जयवालले तत्कालको लागि वडाले गरेको यो कामको प्रसंशा गरेका छन् । वडा नम्बर ६ ले व्यापारीहरुलाई सहयोग गरेकोमा व्यापारीहरुले खुसि व्यक्त गरेका छन् ।
संगित चोक क्षेत्र रात्रिकालिन बजार प्रस्ताव भइरहेको हुदा आगलागीबाट सुरक्षित राख्न यस सिलिन्डरबाट राहत पुग्ने विश्वास व्यक्त गरिएको छ ।
