कुमोद अधिकारी
विराटनगर । मोरङको धनपालथान गाउंपालिका वडा नम्बर २ को आयोजनामा २ सय ८० जना लक्षित वर्गलाई न्यानो कपडा वितरण गरिएको छ । अत्याधिक चिसो बढेपछि जेष्ठ नागरिक गरिव विपन्न तथा असहाय र एकल महिलालाई सो वडाले स्वीटर र ज्याकेट वितरण गरेको हो ।
१ सय ४० जना पुरुषलाई ज्याकेट तथा १ सय ४० जना महिलालाई स्वीटर वितरण गरिको वडा न २ का वडा अध्यक्ष पंकजकुमार मण्डलले बताउनु भयो । जेष्ट नागरिककालागि जाडोको कपडा वितरणका लागि सो वडाले तीन लाख वजेट विनीयोजित गरेको थियो । सोही रकमबाट स्वीटर र ज्याकेट वितरण गरिएको वडा अध्यक्ष मण्डलले बताउनु भयो ।
