इटहरी । जनता बहुमुखी क्याम्पस सञ्चालक समिति निर्वाचनको मतगणना सम्पन्न भएको छ ।
शनिबार भएको मतदानमा ६०४ मत झरेको छ । १३ सदस्यको लागि भएको निर्वाचनमा ७३० मतदाता मध्ये ८३ प्रतिशत मत खसेको थियो ।
क्याम्पसको सञ्चालक समितिको मतपरिणाम अनुसार सदस्यमा १३ जना निर्वाचित भएका छन् ।
१३ पदका लागि ३२ जना प्रतिस्पर्धामा भएको थियो । कूल ७३० मतदातामध्ये ६०४ मत खसेको थियो । जसमध्ये शेखर लुइँटेलले ४०८ मत प्राप्त गर्दै पहिलो स्थान प्राप्त गरे ।
यस्तै, कुलबहादुर कार्की (राजकुमार) ३९९ मत, विकल रेग्मी ३६५ मत, विकास केसी ३५२ मत, अम्बिका श्रेष्ठ ३४६ मत, तीर्थराज पराजुली ३४१ मत, युगप्रिय निरौलाले ३३६ मत प्राप्त गरे ।
यसैगरी, गङ्गाप्रसाद भट्टराई ३०३ मत, शिवराज दाहाल २९९ मत, ईश्वर भट्टराई २९६, उर्मिलादेवी कटवाल २८२ मत, दिनेशकुमार भट्टराई २७२ मत र रेवतीप्रसाद घिमिरेले २७१ मत प्राप्त गरे ।
