काठमाडौं । श्रेयसी चेम्जोङ्गको स्वरमा ‘आमा मेरी आमा’ गीतको भिडियो सार्वजनिक भएको छ । गीतलाई गीतकार दिलिप योञ्जन तामाङ्गले लेखेका हुन् । गीतमा राजेश थापाको संगीत राजु कार्कीको एरेन्ज छ ।
आफनो सन्तानको लागि जिवनभर दुःख पीडा नभनी सघर्ष गरेकी आफ्नी आमालाई समर्पण स्वरुप गीत लेखिएको हो । मनमा पीडा र वेदना भएपनि आमा पछिको अभावलाई गीतमा चित्रण गरिएको छ ।
आमाले देखाएको सकारात्मक बाटोलाई आफूले आत्मसात जिवनभर गर्ने कुरा गीतमा व्यक्त गरिएको छ । ‘आमा मेरी आमा ’लाई विनोद बमले सम्पादन गरेका हुन् । गीतको भिडियोमा गायिका श्रेयसी चेम्जोङ्ग र गीतकार दिलिप योञ्जनलाई देख्न सकिन्छ ।
