बाबुराम कार्की
बराहक्षेत्र । बेमौसम समयमा पनि तरकारी उत्पादन गर्न बराहक्षेत्रका किसानहरुले समूह गठन गरेका छन् ।
बराहक्षेत्र–४ को कौवाखोज, धानपुरी, पिडारी र आन्द्रमोठका १५ महिला ४ पुरुष सहित २० जना अगुवा कृषकको भेलाबाट बराहक्षेत्र बेमौसमी तरकारी खेति समूह गठन गरेकोे कृषक कमल शाहले जानकारी दिए ।
नवगठित तरकारी खेति समूहको अध्यक्षमा प्रभुनारायण चौधरी सर्वसहमत चुनिएका छन् भने उपाध्याक्षमा रिताकुमारी बस्नेत रहेकी छन् । समूहको सचिवमा जगदिश चौधरी, सहसचिवमा विद्या वस्नेत, कोषाध्यक्षमा सुमन शाह रहेका छन् ।
सदस्यहरुमा ललिता धामी र मायाँ राई रहेको कार्यसमितिमा १३ जना साधारण सदस्य रहेका छन् । सदस्यहरुमा क्रमशः कमल शाह, शोभावति धामी, सलिना चौधरी, पदमकुमारी दाहाल, जानुका खत्री, राधाकुमारी राजधामी, ललिताकुमारी धामी, अर्जुन दाहाल, विना बस्नेत, रीता कुमारी बस्नेत, एलिसा चौधरी, कदमी चौधरी, तुलसा सुवेदी बस्नेत र श्याम कुमारी राजधामी रहेका छन् ।
ग्रामीण उद्यम तथा विप्रेषण आयोजना (समृद्धि) को सहयोगमा धनपुरीमा संचालित भएको बेमौसमी तरकारी खेती तालिम लिएका कृषक भेला भएर समूह गठन गरेका हुन् । ‘नवगठित कृषक समूहका अध्यक्ष प्रभुनारायण चौधरीले भने ‘रुलर इन्फास्ट्रक्चर एण्ड मेनेजमेन्ट कन्सलटेन्ट प्रालि कोटेश्वर काठमाडौले तीन महिने (३ सय ९० घण्टे) सैद्धान्तिक र प्रयोगात्मक तालिम लिएकाले कृषकहरुलाई खेती गर्न सजिलो हुने छ ।’ तरकारी खेती गर्दा एक अर्कालाई सहयोग पुग्ने हँुदा समूह गठन गरेर खेतिसुरु गर्न लागिएको उनले बताए । तालिमबाट सिकेको ज्ञान, सिपलाई अब आफ्नै बारीमा प्रयोग गरिने कृषक विद्या खड्का बस्नेतले बताइन् ।
