कुमोद अधिकारी
विराटनगर । कोशी प्रदेश सरकारले आगामी आर्थिक वर्षको नीति तथा कार्यक्रम कार्यान्वयन गर्न ३६ अर्ब २४ करोड २५ लाख १० हजार बराबरको बजेट सार्वजनिक गरेको छ ।
कोशी प्रदेशका मुख्यमन्त्री एवम् आर्थिक मामिला तथा योजना मन्त्री हिक्मतकुमार कार्कीले मन्त्रालयमा बिहीवार आयोजित कार्यक्रममा आगामी आर्थिक वर्षको आय–व्यय बजेट सार्वजनिक गरेका हुन् ।
कुल विनयोजित बजेटमध्ये चालुतर्फ १४ अर्ब ३९ करोड ६२ लाख ६६ हजार, पुंजीगत खर्च १८ अर्ब २३ करोड ४२ लाख ५२ हजार, वित्तीय व्यवस्थापनतर्फ १ करोड र स्थानीयतहमा वित्तीय हस्तान्तरण तर्फ ३ अर्ब ६० करोड २९ लाख ९२ हजार रहेको छ ।
अध्यादेश मार्फत ल्याइएको सो बजेटले शिक्षा, स्वास्थ्य, कृषि, पूर्वाधारलगायत पर्यटन क्षेत्रको प्रवद्र्धन, आर्थिक तथा भौतिक पूर्वाधार विकास, कृषि उत्पादनमा वृद्धी, सिचाई, गुणस्तरीय स्वास्थ्य सेवा, गरिबी निवारण, रोजगारी सृजना, विपद् व्यवस्थापन, वन वातावरणको संरक्षण, शान्ति सुव्यवस्था, गुणस्तरीय खानेपानी साथै आदीवासी, जनजाती, महिला, अपांगता, दलित अल्पशंख्यक तथा सीमान्तकृत समुदायको उत्थानमा जोड दिएको छ ।
