यो सिजनमा धारामा पानी नआउने समस्या विगत वर्ष भन्दा धरानमा कहाली लाग्दोछ भन्न पाईदैन किनकि यहाँ मुख्य पदमा दलहरूले हारेका छन्, यहाँ पानी व्यवस्थापनका बारे राय सुझाव र धारणा राख्नु अपराध जस्तै सम्झेर एउटा पंक्ति कमजोर मुटु हुनेहरूलाई शहर छोड्नु पर्ने गरि गालीका वर्षात गर्छन् र भन्छन् गत वर्ष चाहिँ के थियो नि ? स्वभाविक रूपमा गत वर्षलाई मात्रै दाँज्ने भन्दा यो वर्ष जंगलमा विगतमा नै थपिएका पम्प र यो वर्ष गर्नु पर्ने थप कामका कारण हुनु पर्ने अपेक्षित सुधार हुन सकेको छैन । टोल टोलमा पानी छैन भन्दा आउने गाली खप्न सकिँदैन भनेर ठुलो जनमत चुपचाप देखिन्छ । अब गालीका प्रकार र मात्रा जति आए पनि मलाई स्वीकार छ । सत्य यही हो यो वर्ष भएको श्रोत र संरचना सुधार गरेर जति व्यवस्थित हुन सक्थ्यो, त्यो काम भएको छैन अनि पानी आएको छैन ।
(मुरारी सुवेदीको फेसबुक पेजबाट)
