उहाँ खांदबारी नगरपिता महेश थपलियाको श्रीमती हुनुहुन्छ । खाँदबारी नगरपालिकाको करारको कर्मचारी पनि हुनुहुन्छ । ८ नम्बर वडा उहाँको अहिलेको कार्यक्षेत्र हो । तर उहाँ दुई तीन महिना सम्म कार्यालयमा अनुपस्थित रहने तर तलब लिइरहनेमा पर्नुहुन्छ । करारको कर्मचारी कार्यक्षेत्रमा हाजिर नभै लामो समय बिदामा बसेर पनि सेवा सुबिधा मेयरसाबको आड भरोसामा लिइरहनुभाको छ । अनि अर्को महत्वपुर्ण बिसय उहाँ नेपाल सरकारको सामुदायिक क्याम्पस बरुण बहुमुखी क्याम्पसको पनि स्थायी कर्मचारी हुनुहुन्छ । क्याम्पसका स्थायी (पुर्णकालिन) कर्मचारीले बिहानको ११ बजे सम्म अनिवार्य क्याम्पस मै रहनु पर्छ भने नगरपालिकामा अनिवार्य १० बजे हाजिर हुनै पर्छ । उहाँ बरुण क्याम्पसमा ११ बजे सम्म रहदा १० बजे नगरपालिकामा हाजिर हुन सक्नुहुन्न भने नगरपालिकामा १० बजे हाजिर हुदा ११ बजे सम्म क्याम्पसमा रहन सक्नुहुन्न । तर पनि नगरप्रमुखको श्रीमति भएको फाइदा उठाउदै मिलिभगतमा दुबै तिर मिलाएर खाइरहनुभाको छ। कानुनी हिसाबले यस्तो गर्न नपाउने त छदै छ नैतिकताको बिसय पनि हो ।
करारको जागिर खाइ लामो समय कार्यालयमा हाजिर नभै निरन्तर सेवा सुबिधा लिइरहनु कुन तहको भ्रष्टाचार हो ? अर्को कुराः–राज्यको दुई वटा निकायमा सोर्स फोर्सको प्रयोग गरि पुर्णकालिन नियुक्ती खानु अख्तियार दुरुपयोग अनुसन्धान आयोगले छानबिन गरि मुद्दा हाल्नुपर्ने बिसय हो कि हैन ? म यो नगरपालिकाको सेवाग्राही, अहिलेको मेयरलाई भोट पनि हालेको मतदाता पनि भएको कारण यो बिसय उठाउने मेरो नैसर्गिक अधिकार हो त्यसैले सबै सन्चार जगतलाई यो बिसयमा खोजबिन गरि समाचार सम्प्रेसण गर्न र नगरपालिकालाई पनि यो बिसयमा आफ्नो धारणा सार्बजनिक गर्न यहि सामाजिक सन्जालबाट माग गर्दछु । अनि बरुण बहुमुखी क्याम्पसलाई पनि उहाको हाजिरी र कार्य समय र तलब भुक्तानी सम्बन्धमा जानकारी सार्बजनिक गर्न माग गर्दछु ।
राजमणी भण्डारीको (फेसबुक पेजबाट साभार गरिएको)
खादबारी नगरपालिका वार्ड नम्बर–८, अर्चले, संखुवासभा
