इटहरी । महिला साकोसले आफ्नो वार्षिक कार्ययोजना अनुसार ११३ औं अन्तर्राष्ट्रिय श्रमिक महिला दिवस मनाएको छ ।
महिला दिवसका दिन सहकारी अभियानमा महिलाहरुको अवसर र चुनौतीहरु शीर्षकमा विद्यालयस्तरीय वक्तृत्वकला प्रतियोगिता आयोजना गरिएको थियो । साकोस अध्यक्ष अमृता सुब्बाको सभापतित्वमा कार्यक्रम सम्पन्न भएको थियो । साहित्यकार टीका आत्रेयको प्रमुख आतिथ्यतामा भएको कार्यक्रमको संचालन पुनम थापामगरले गरेकी थिइन् । सो प्रतियोगितामा इटहरी उपमहानगरपालिका तथा सुन्दरहरैंचा नगरपालिका क्षेत्रका ११ वटा विद्यालयहरुका छात्राहरुको सहभागिता रहेको थियो ।
जसमा प्रथम कोशी सेन्ट जेम्स स्कूलकी विद्यार्थी दिपिका लुइँटेल, दोस्रो कस्तुरी स्कूलबाट प्रियंका खत्री, तेस्रो ज्योति माबिबाट मुना कटुवाल भइन् भने सान्त्वनामा जनसहयोग माबिकि मनिषा घिमिरे भएकी थिइन् ।
