इटहरी । बाम लोकतान्त्रिक गठबन्धनका उमेदवार विजयकुमार गच्छदार र सरस्वती पोखरेल (डाँगी) वुधबार बिहानै चाँदबेला बर्छेवाका जनतासँग मत माग्न पुगेका छन् ।
मंसिर ४ गते हुने प्रतिनिधिसभा तथा प्रदेशसभा निर्वाचन नजिकिदै जाँदा मतदातासंगको भेटघाटलाई उनीहरुले तिव्रता दिंदै मत मागेका हुन् ।
सुनसरी प्रतिनिसभा क्षेत्र नम्बर ३ बाट उमेदवारी दोहोर्याएका गच्छदारले यस क्षेत्रका ग्रामिण वस्तीको विकासमा विशेष जोड दिइ सडक विस्तार, पुल, पुलेसा निर्माणमा जोड दिने बताएका छन् । उनी नेपाली कांग्रेसबाट उमेदवार बनेका हुन् ।
त्यसैगरी, प्रदेशसभा क्षेत्र १ मा माओवादी केन्द्रबाट उमेदवार बनेकी सरस्वती पोखरेलले डुबानको समस्याबाट प्रताडित जनतालाई मुक्त दिलाउन विशेष योजना ल्याउने बताउदै मत मागिरहेकी छन् ।
दुबै उमेदवारले सडक, चौर, पाटी, पौवा, खोला, नहर, किनार, स्कूल, कार्यालय खेलमैदान आदि क्षेत्रमा वृक्षरोपण गराई हरियाली र सफा मानव वस्तीको पहल गरिने, बढ्दो प्रदुषण नियन्त्रित गर्ने र वातावरण सफा राख्ने नीति ल्याइनेजस्ता एजेण्डा पनि अघि सारेका छन् ।
