इटहरी । सुनसरीको इटहरीमा संचालित इन्खा एकीकृत अस्पतालले विश्व फिजियोथेरापी दिबश २०२२ को अवसरमा एक दिवसीय निःशुल्क स्वास्थ्य शिबिरको आयोजना गरेको छ । सेप्टेम्बर ८ बिहीवार अस्पताल परिसरमै आयोजना गरिएको स्वास्थ्य शिविरमा २ सय ५० जना नागरिकले स्वास्थ्य सेवा लिएको अस्पतालका अध्यक्ष डा. खगेन्द्र ओलीले जानकारी दिए ।
डा.ओलीले स्वास्थ्य शिविर सम्पन्न गर्न वरिष्ठ फिजियोथेरापिष्ट नवीन मगर, डा. पंकज महरान, डा.एन.के यादवलगायतको टोलीले पनि शिविरमा जनरल फिजिसियन सेवा प्रदान गरेका थिए ।
त्यस्तै, स्वास्थ्यकर्मीहरु ल्याव टेक्नोलोजिष्ट अमृत चौधरी, चिकित्सा सहायक जयप्रकाश उराव, इन्दु कार्की, तनुजा राई, हरिनारायण मण्डल, प्रकाश पाठक, प्रविना सिंह, आषिश चौधरी लगायतले सेवा दिएका थिए ।
हरेक वर्ष सेप्टेम्बर ८ तारीखका दिन यो दिवस विश्वभर बिभिन्न कार्यक्रम गरी मनाउने गरिन्छ । डा. ओलीकाअनुसार नेपालमा सन् २००० देखि यो दिवस मनाउन थालिएको हो ।ओलीले भने–‘सामान्यतः फिजियोथेरापी भनेको भौतिक चिकित्सा हो । हाडजोर्नी, नशा लगायतका रोग भएका मानिसलाई यो उपचार विधि प्रभावकारी मानिन्छ ।’
त्यसैगरि, फिजियोथेरापिष्ट नवीन मगर भन्छन्–‘कतिपयलाई औषधिले काम नगरेको खण्डमा समेत फिजियोथेरापीद्धारा उपचार गर्ने गरिन्छ ।’ विभिन्न चोट पटकका कारणले भएको भौतिक पीडा लगायत मांशपेशीको पीडा कम गर्न नवीन मगर बिभिन्न व्यायाम तथा उपचार गर्न सुझाव दिन्छन् । उनकाअनुसार मांशपेशी च्यातिएको (लिगामेन्ट टियर), कमजोर मांशपेशी, स्वास प्रस्वास सम्बन्धी समस्या, घाँटी तथा जीउको दुखाई कम गर्न पनि फिजियोथेरापी उपयुक्त उपचार विधि मानिन्छ ।
