रामधुनी । प्रेस सेन्टर नेपाल जिल्ला समन्वय समिति सुनसरीको आयोजनामा रामधुनी नगरपालिकाको झुम्कामा तीन दिने आधारभूत पत्रकारिता तालिम बुधबारदेखी शुरु भएको छ ।
तालिममा रामधुनी नगर भरिका ३५ जना युवा, युवतीको सहभागिता रहेको प्रेस सेन्टर सुनसरी जिल्ला अध्यक्ष तिर्थ कार्कीले जानकारी दिए।। पत्रकारिता क्षेत्रमा बिकास र स्वरोजगारका लागि तालिमको आयोजना गरिएको कार्कीको भनाइछ ।
बुधबारको तालिममा प्रशिक्षक सेन्टरका केन्द्रीय सदस्य श्रीशीशा राई रहेका थिए । दोस्रो दिन प्रेस काउन्सिलका पूर्व अध्यक्ष भवानी बरालले सहजीकरण गर्ने अध्यक्ष कार्कीले बताए । साथै तेस्रो तिर्थ कार्कीले नेतृत्व विकास तथा उद्घोषण कलाबारे तालिम दिनेछन् ।
तालिमको उद्घाटन समारोहमा सेन्टरका उपमहासचिव राजन केडी, केन्द्रीय सदस्य अर्जुन शर्मा, नेकपा माओवादी केन्द्र रामधुनीका अध्यक्ष बलराम चौलागाईं, सचिव रमेश दाहाल, नगर पार्टी इन्चार्ज दिनेश चौधरी, पार्टी स्थानीय नेता योगेन्द्र साहको सहभागीता रहेको थियो ।
