धरान । धरान उपमहानगरपालिका प्रमुख हर्क साम्पाङ्गले सुरु गरेको वृक्षरोपण अभियानमा सहयोग जुट्ने क्रम बढेको छ । यही क्रममा बुल्स एलेभेन इटहरीले पनि नगर प्रमुख साम्पाङ्गको अभियानमा सहयोग गर्दै धरानको ओशो पार्क क्षेत्रमा वृक्षरोपण गरेको छ । नगर प्रमुख साम्पाङ्गले एक वर्षमा पाँच हजार विरुवा रोप्ने भनेर अभियान सञ्चालन गर्दै आएका थिए । सोही अभियानलाई सफल बनाउन बुल्स एलेभेनको तर्फबाट ८ सय ७५ बिभिन्न जातका विरुवाहरु रोपिएको उपाध्यक्ष रामु राईले जानकारी दिएका हुन् ।
विगत पाँच वर्ष देखि इटहरी क्षेत्रमा सरसफाई अभियान सञ्चालन गर्दै आएको वुल्स एलेभेनले धरानका नगर प्रमुख साम्पाङ्गको अभियानलाई सफल बनाउन यस अघि पनि निशाने खोला क्षेत्रमा श्रमदान गरेको थियो । बुल्स एलेभेनको वृक्षरोपण कार्यक्रममा स्थानीयले समेत सहयोग पुर्याएको उपाध्यक्ष राईले बताए ।
