इटहरी । सुनसरीको इटहरीमा होटल व्यवसाय र अपराध न्यूनीकरणसम्बन्धी अन्तरक्रिया कार्यक्रम सम्पन्न भएको छ । इटहरी स्थित होटल इन्टुरिष्ट प्यालेसमा बिभिन्न सुरक्षा निकायका पदाधिकारी, होटल व्यवसायी र इटहरी नगर प्रमुखबीच होटलमा हुने अपराधिक गतिविधि न्यूनीकरणका सम्बन्धमा छलफल गरिएको थियो । होटल व्यवसायी संघ इटहरीका अध्यक्ष जीवन पराजुलीको अध्यक्षतामा आयोजित कार्यक्रमका विशिष्ट अतिथी समेत रहेका सुनसरी जिल्ला प्रमुख जिल्ला अधिकारी इन्द्रदेव यादवले प्रशासन र होटल व्यवसायीहरुबीचका सम्बन्धका लागि कार्यक्रम गर्ने र समिति गठन गर्ने मानव व्यवस्थापन, जोडीहरुको व्यवस्थापन हटाउन सामूहिक रुपमा काम गनुपर्ने, समस्या भए स्थानीय प्रहरीमा खवर गर्नुपर्ने साथै नियमन गनुपर्नेमा सबैको साथ र सहयोग हुनुपर्ने बताए ।
कार्यक्रमका प्रमुख अतिथि समेत रहेका इटहरी उपमहानगरपालिकाका प्रमुख हेमकर्ण पौडेलले व्यवसायलाई मर्यादित बनाउने, सबैलाई करको दायरामा ल्याउने र स्थानीय उद्योग र पर्यटन स्थानीय सरकारको एकल अधिकार रहने र अनुगमन समिति निर्माण गरि करको दायरामा रहेकालाई स्वयम घोषणा गरि राजश्वमा जोडिन आहवान गरे र जरिवाना मिनाह गर्ने साथै भाडादर निर्धारण गर्ने समेत बताए । साथै कार्यक्रममा सुरक्षा निकायका प्रमुखहरु र इटहरी ६ नम्बरका वडा अध्यक्ष दिवश पोख्रेलको सहभागिता रहेको थियोे ।
