विराटचोक । मोरङको सुन्दरहरैंचा नगरपालिकाले भुक्तानी सेवालाई प्रविधिमैत्री बनाउने क्रममा इलेक्ट्रोनिक फण्ड ट्रान्सफर (इएफटी) सेवा कार्यान्वयन गरेको छ । यो सेवाले भुक्तानी प्रणालीलाई थप व्यवस्थित बनाउने नगरपालिकाले जनाएको छ ।
सो सेवा लिनका लागि सेवाग्राहीले बैंकको स्टेटमेन्ट, चेकको पछाडि संस्थाको छाप लगाएर गरिएको फोटोकपी र आधिकारिक व्यक्तिको नाम र मोबाइल नम्बर उपलब्ध गराउनुपर्ने प्रमुख प्रशासकीय अधिकृत विनोद भट्टराईको हस्ताक्षरमा जारी सूचनामा जनाइएको छ ।
