कुमोद अधिकारी
विराटनगर । नेकपा एमालेका अध्यक्ष केपी शर्मा ओलीले स्थानीय तहको निर्वाचनको परिणामप्रति पार्टी सन्तुष्ट रहेको बताएका छन् ।
विराटनगर विमानस्थलमा शुक्रबार बिहान संचारकर्मीसंग कुरा गर्दै उनले पार्टी एक्लै चुनाव लड्दापनि मतको संख्यामा आफ्नो ठुलो भएको दावी गरे ।
नेकपा एमालले स्थानीय तहको निर्वाचनमा पपुलर मत पाएकाले मंसिरमा हुने प्रदेश र संघिय निर्वाचनमा एमाले सवैभन्दा ठुलो पार्टी बन्ने उनको दावी थियो ।
लोकतन्त्रको रक्षाका लागि संविधानको पूर्ण पालना आवश्यक रहेको उनले बताए । सत्ता स्वार्थका लागि अहिले संविधान विपरीत काम भइरहेकाले आफैले बनाएको संविधानको दलहरुले पालना गर्नुपर्ने उनले बताए ।
संविधानको रक्षाका लागि मुलुकलाई सहि बाटोमा ल्याउन संसद विघटन गरेर निर्वाचनको घोषणा गरेकाले त्यसलाई संविधान विपरीत कार्य भनेर कसरी भन्न मिल्छ उनले प्रतिप्रश्न गरे ।
उनले नेकपा एमालेसंग वाम गठवन्धन भन्ने कुरा अहिले संभव नभएको भन्दै पार्टी छाडेर गएका कार्यकर्तालाई भने पार्टीमा फर्कनका लागि जहिले पनि ढोका खुल्ला रहेको बताए ।
