कुमोद अधिकारी
विराटनगर । मोरङ विराटनगर महानगरपालिकाको मतगणनाको अन्तिम परिणाम सार्वजनिक भएको छ । शनिबार सार्वजनिक भएको अन्तिम परिणामअनुसार विराटनगर महानगरपालिकाको प्रमुख पदमा नेपाली कांग्रेसका नागेश कोइरालाले ३० हजार १ सय ७० मत प्राप्त गर्दै निर्वाचित भएको छन् ।
उनका निकटतम प्रतिद्वन्द्वी नेकपा एमालेका सागरकुमार थापाले २१ हजार ४ सय ५५ मत ल्याएका छन् ।
महानगरपालिकाको उपमेयर पदमा नेकपा एमालेकी शिल्पा कार्की २५ हजार ६ सय ८० मत प्राप्त गर्दै निर्वाचित भएकी छन् । उनको निकटतम् प्रतिद्वन्द्वी जनता समाजवादी पार्टी नेपालका अमरेन्द्र यादवले १४ हजार २ सय १९ मत प्राप्त गरेका छन् ।
महानगर प्रमुख पदको मतको अन्तर ८ हजार ७ सय १५ छ भने उपप्रमुख पदमा मतको मतान्तर ११ हजार ४ सय ६१ रहेको छ ।
