नेपालरेखा÷गछिया (मोरङ) । स्वतन्त्र पत्रकार संघ कुनै न कुनै रुपबाट मानविय सेवामा समर्पित बनेको छ । स्वतन्त्र पत्रकार संघ नेपाल केन्द्रीय कोषाध्यक्ष शालिग्राम पाण्डेको अगुवाईमा भएका सामाजिक अभियानका गतिविधिहरु कुनै कुनै रुपबाट भई नै रहेका छन् । कहिले मिडियाको नामबाट त कहिले वैवाहिक वर्ष वा जन्म दिन पारेर सामाजिक अभियानमा जोडिने काम भईरहेको छ । कहिले विद्धाश्रम त कहिले बालआश्रम त कहिले दुःखमा छटपटाएका आर्थिक पहुँच नभएका रोगले ग्रस्त भएका व्यक्तिका थुपडीमा स्वतन्त्र पत्रकार संघ पस्ने गरेको छ ।
यस्तै क्रममा पुस १२ गते सोमबार सुन्दरहरैंचा नगरपालिका वडा नं. ३ को मुसहरी टोल (गछिया)मा आर्थिक अभावमा छटपटिएर पीडादायी जीवन बिताइरहेको परिवारलाई खाद्यान्न सहित उपचारका लागि सहयोग हस्तन्तरण गरेको छ । स्वतन्त्र पत्रकार संघ सुनसरी शाखाका अभियन्ता पत्रकारले आर्थिक अभावका कारण ४ वर्षदेखि खुट्टामा घाउ भएर उपचार गर्न नसकेका रिता ऋषिदेवको घरमा आश्रय लिएर बस्ने भिम श्रेष्ठ र उनको परिवारलाई खाद्यान्न सहित नगद हस्तान्तरण गरेको छ ।
सो परिवारलाई ५० केजी मन्सुली चामल, २ केजी दाल, २ लिटर तेल, २ पोका नुन, ३ केजी चिउरा, २ प्याकेट भुजिया, ३० प्याकेट चाउचाउ र चनासहित नगद १ हजार सत्तरी रुपैंया श्रेष्ठकी आमालाई हस्तान्तरण गरिएको छ ।
