इटहरी । इटहरी उपमहानगरपालिकाले २१ वटा क्रस बोयर जातका बोका वितरण गरेको छ ।
शुक्रबार एक कार्यक्रमकाबिच इटहरी उपमहानगर उपमेयर लक्ष्मी गौतमले कृषक समूहरुलाई बोका बितरण गर्नुभएको हो । इटहरी उपमहानगर कार्यालयका प्रमुख प्रशासकीय अघिकृत सूर्यप्रसाद सुवेदी, वडा नम्वर ३ का वडाध्यक्ष बालकृष्ण बिष्ट र वडा नम्वर १९ का वडाध्यक्ष श्रीनारायण चौधरीको समेत उपस्थितिमा क्रस बोयर जातका बोका वितरण गरिएको हो ।
इटहरी उपमहानगरपालिका पशुपक्षि शाखा प्रमुख दुर्गा श्रेष्ठका अनुसार प्रधानमन्त्री कृषि आधुनिकिकरण कार्यक्रम अन्तर्गत कृषि फर्महरुलाई १३ वटा बोका ७५ प्रतिशत अनुदानमा बितरण गरिएको हो ।
अरु बोका बाख्रा पकेट कार्यक्रम लागु भएको इटहरी–१८ को सिहंदेवी कृषि शहकारी संस्थामा आवद्ध कृषि समूहलाई वितरण गरिएको हो । यसमा कृषकको ३३ प्रतिशत लागत साझेदारी रहेको छ । त्यहाँका कृषकहरुलाई केहि दिन भित्रैमा सय वटा बोयर जातका पाठी वितरण गर्ने कार्यक्रम रहेको बताइएको छ ।
शुक्रबार बितरित बोकाको मूल्य ५० हजार देखि १ लाख ५० हजार सम्म रहेको छ । गत वर्ष बितरित बाख्राबाट जन्मिएको ६ महिनाको एउटा पाठो ६५ केजीको भएको शाखा प्रमुख श्रेष्ठले जानकारी दिनुभयो ।
