नेपालरेखा ।
ईटहरी । स्वतन्त्र पत्रकार संघ नेपालको ९औं स्थापना दिवसको अवसरमा ईटहरीका स्वतन्त्र पत्रकारहरुले सोमबार बिहान ईटहरी चौक परिक्रमा गरेर प्रभात फेरी कार्यक्रम गर्दै मास्क र खाद्यान्न बितरण गरेर संघको स्थापना दिवस मनाएका छन् ।
कार्यक्रममा नगर परिक्रमा पश्चात स्वतन्त्र पत्रकारहरुले बजारमा मास्क समेत बितरण गरेका छन् । अन्तराट्रिय महिला दिवश समेत परेको दिन स्वतन्त्र पत्रकारहरुले “सामाजिक समानता कायम गरौं, महिला हिंशा अन्त्य गरौ”ं भन्ने प्लेकार्ड बोकेर नगर परिक्रमा गरेका थिए ।
कार्यक्रमकै अवसर पारेर स्वतन्त्र पत्रकार संघ सुनसरीले निःशाय बालबालिक आस्रम ईटहरीमा बालबालिका लागि चामल, दाल, साबुन, सर्फ, खानेतेल र चिनी लगायतका दैनिक उपभोग्य सामाग्रीहरु हस्तान्तरण गरेका थिए ।
बिहान ८ बजे गरिएको सो प्रभात फेरी कार्यक्रममा सुनसरीका स्वतन्त्र पत्रकारहरु राष्ट्रिय कोषाध्यक्ष शालिग्राम पाण्डे, राष्ट्रिय सदस्य द्वय मोहन ढकाल र प्रेम गिरी लगायत प्रदेश पार्षद चिरंजिवी शिवाकोटी, राजकुमार उप्रेति लगायत सुनसरीका करिव दुई दर्जन बढी स्वतन्त्र पत्रकारहरुको उपस्थिति रहेको थियो ।
सुनसरीका अध्यक्ष खगेन्द्र जंग कार्कीको अध्यक्षतामा सम्पन्न भएको सो कार्यक्रममा सचिव तेज बनले कार्यक्रम सञ्चालन गर्नु भएको थियो ।
लेखन स्वतन्त्र र निश्पक्ष हुनुपर्ने भन्दै स्वच्छ पत्रकारिताका लागि कुनै प्रलोभन, ब्यक्तिगत वा दलगत स्वार्थमा नपरिकन बिशुद्ध ब्यावशायीक पत्रकारिताको बिकाश का लागि स्वतन्त्र पत्रकार संघ नेपालले कार्य गर्नुपर्ने संघका राष्ट्रिय कोषाध्यक्ष शालिग्राम पाण्डेले बताउनु भएको छ ।