जनक पाण्डे
मोरङ्ग / पथरी–शनिश्चरे नगरपालिका अन्तर्गतको ५ नं. वडा पालिकाको बजेट बाहेक नै वडाबासी आफूहरुले जुटाएको आन्तरिक स्रोतको सदुपयोग गर्दै थप अतिरिक्त बिकाश निर्माण कार्यमा जुटेका छन् ।
दाताहरुको सहयोग लगायत अन्य सामाजिक सहयोगबाट प्राप्त आन्तरिक स्रोतबाट नै अतिरिक्त योजनाहरु सम्पन्न गर्ने लक्ष्य सहित वडामा छनौट भएका स्थानहरुमा सामुदायीक भवन र चिल्ड्रन पार्क बनाईने पथरी शनिश्चरे नगरपालिका, ५ नं. वडाका अध्यक्ष जोगबहादुर धिमालले बताउनुभएको छ । त्यस्तै बक्राहानदी शव दाहसंस्कार घाटमा मलामी प्रतिक्षालय पनि निमार्ण गरिने अध्यक्ष धिमालले जानकारी दिनुभएको छ ।
२०७३ सालमा आयोजना गरिएको श्री मद्भागवत ज्ञान महायज्ञ (महापूराण) मा दानबीर दाताहरु बाट प्राप्त संकलित उन्नाई लाख रुपैंया सामुदायी भवन निर्माणका लागि योजना बनाईएको पथरी शनिश्चरे नगरपालिका ५ नं. वडा सदस्य चेतेन्द्र खड्काले जानकारी दिनुभएको छ । दाताहरु बाट भवन निर्माणका लागि जग्गा पाउने बित्तिकै निर्माण कार्य गरिने पनि वडा सदस्य खड्काले बताउनु भएको छ ।
सामुदायीक भवन बनेपछि स्थानिय बिवाह, ब्रतवन्ध लगायत बिभन्न सास्कृतिक कार्यक्रम, सामाजिक सभा, समारोह आयोजना गर्न सजिलो हुने स्थानियले आशा राखेका छन् । उक्त ज्ञान महायज्ञ पूराणमा सवैभन्दा बढी दानबीर– वडा सदस्य चेतेन्द खड्काले एक लाख २५ हजार रुपैंया समेत दान गर्नु भएको थियो ।
त्यसैगरी बक्राहा नदी किनारमा निजी जग्गामा हुर्किएका निजी–बनको काठ–दाउरा बिक्री बाट सत्र लाख रुपैंया आम्दानी सहयोग पथरी शनिश्चरे नगरपालिका ५ नं. वडा हसन्दहलाइ प्राप्त भएको छ । उक्त निजी बनको आम्दानी सत्र लाख रुपैंया समेत दाताले बिकाश निर्माणका लागि दिएपछि वडामा थप बिकाश योजना बनाउन सजिलो भएको स्थानियहरु बताउँछन् ।
निजी बनको आम्दानी सहयोग सत्र लाख रुपैंया बक्राहानदी शव दाहसंकार घाटमा मलामी प्रतिक्षालय निर्माण गर्नका लागि प्रयोग गरिने बडा अध्यक्ष जोगबहादुर धिमालले यो समाचार पोर्टल, नेपालरेखा डटकम लाई बताउनु भएको छ ।
त्यस्तै चिल्ड्रन पार्क निर्माणमा स्थानिय श्री अमरसिँह माबि.हसन्दह लाई प्राप्त भएको ३ बिगाहा क्षेत्रफलको सार्वजनिक जग्गाको सदुपयोग गरिने भएको छ । पार्क निर्माणमा बृहत स्तरमा खेलकुद र मनोरन्जन सहितको बालबाटिका निर्माण हुने अपेक्षा स्थानियबासीले गरेका छन् ।
पानीका फोहोरा सहित बालबालिकाको लागि मनोरञ्जन र पुर्नताजगी लगायत मनोवैज्ञानिक स्तरबाटै बालबालिकाको बृद्धिबिकाशमा सघाउ पूर्याउने उद्देश्यले चिल्ड्रन पार्कको योजना बनेको र यसको प्रारम्भिक डिपीआर समेत तयार गरिएको अध्यक्ष धिमालले जानकारी गराउनु भएको छ । यद्दपी पार्कको योजनामा अतिरित्त बजेको ब्यवस्था भएको छैन् । वडाको बिकाश बजेटबाटै एक लाख रुपैंया भने सुरुवाति चरणका लागि छुट्याईएको वडा अध्यक्ष धिमालले जानकारी दिनुभएको छ । बाँकी योजनाबद्ध रुपमा पार्क निर्माण कार्यसम्पादन गर्दै लगिने पनि अध्यक्ष धिमालले बताउनु भएको छ ।
स्थानियबासीहरुको चाहना र आवश्यता अनुरुप सामाजिक एकता, सहयोग र सद्भावको परिणाम स्वरुप यस्तो सामाजिक कार्यको योजना जुरेको पनि वडा अध्यक्ष धिमालले बताउनु भएको छ ।
