नेपालरेखा / इटहरी । राष्ट्रिय प्रजातन्त्र पार्टीको केन्द्रीय कार्य समिति विस्तार गरी ७२७ जना सदस्य पु¥याईएको छ ।
पार्टी एकीकरण भएपछि ३२७ जना सदस्य रहेको कार्य समितिमा आइतबार ४०० जना थप भई ७२७ जनाको केन्द्रीय कार्यसमिति निर्माण भएको हो ।
एकीकृत पार्टीलाई निर्वाचन आयोगले मान्यता दिएपछि पहिलो पटक केन्द्रीय कार्य समितिको विस्तार भएको राप्रपाले जनाएको छ । सो पार्टीले असोज २९ गतेसम्म जिल्लास्तरमा समायोजन सम्पन्न गरिसक्ने र आगामी बैशाख २५ देखी २८ गतेसम्म काठमाडौंमा हुने केन्द्रीय महाधिवेशनको तयारीमा लाग्ने जनाएको छ ।
हालै चयन गरिएका नयाँ केन्द्रीय सदस्यहरूमा इटहरीबाट युवा समाजसेवी तथा राजनीतिकर्मी रामु पोख्रेल सहित सुनसरीका ५ जना राप्रपाको केन्द्रीय सदस्यमा मनोनित भएका छन् । त्यसैगरी, रामकुमार सुब्बा केन्द्रिय कार्य सम्पादन समितिमा मनोनित भएका छन् । सुब्बा पूर्व मन्त्रीसमेत हुन् ।
त्यसैगरी, गोपाल कोईराला, हरिकृष्ण श्रेष्ठ, हसबुल मिया, सुरेश आचार्य, इनु अधिकारी, मधु रिमाल, योगमाया तिम्सिना भरतराज भट्टराई र शंकर थापा गाँउले पनि केन्द्रीय सदस्यमा मनोनित भएका छन् ।
नवनियुक्त केन्द्रीय सदस्य रामु पोखरेलले अब पार्टीलाई जनस्तरमा विस्तार गर्ने बताएका छन् ।
