इटहरी । सुनसरीको बर्जु गाउँपालिकाको वडा नम्बर १ को भवन निर्माण कार्य कोरोनाकाकारण प्रभावित बनेको छ ।
७० प्रतिशत निर्माण कार्य भएपनि बाँकी ३० प्रतिशत काम कोरोनाकाकारणले अघि बढ्न नसकेको सोही गाउँपालिका १ नम्बर वडा अध्यक्ष श्याम गुरुङ्गले बताउनु भयो ।
नेपालमा लक डाउन सुरु हुनुभन्दा एक महिना अघि ७८ लाख लागतमा ५ कोठे भवन निर्माण कार्य थालिएको थियो । कोरोनाको कारण निर्माण मजदुर परिचालनमा कठिनाई उत्पन्न भइ हाल सो भवन निर्माण कार्य स्थगित भएको छ ।
यतिबेला मासिक १२ हजारमा ४ कोठा भाडामा लिएर बर्जुको शुक्रबारे बजारमा वडा कार्यालय संचालन हुदै आएको छ ।
वडा अध्यक्ष गुरुङ्ग अवस्था सहज भएपछि निर्माण कार्य पूरा गराई पुस÷माघतिर नयाँ भवनबाट सेवा प्रदान गर्ने बताउनुहुन्छ ।
