इटहरी । लायन्स क्लब अफ इटहरी स्मार्ट सिटी, लियो क्लब अफ स्मार्ट सिटी र नयाँ लायन्स क्लब अफ् एक्टिभले आफ्नो कार्याकाल सुरु भएको पहिलो हप्तामै इटहरीका विभिन्न ८ स्थानमा संयुक्तरुपमा बृक्षरोपण गरेका छन् ।
यी क्लबहरुको सक्रियतामा आँप, लिची, अनार, कागती, कपुर, अशोक, मसला, टिक, रुद्राक्षका २ सय ८५ विरुवा रोपण गरिएको छ ।
मदन स्मृति आधारभूत बिद्यालय इटहरी १३, सहिद स्मृति आधारभूत बिद्यालय इटहरी १८, जेबि टुहुरे फाउन्डेसन इटहरी १०, सुकुमारी खोला इटहरी–६, मनमोहन आधारभूत बिध्यालय इटहरी १०, कबिर मा.बि. इटहरी–६ र इटहरी रंगशाला इटहरी–९ मा बृक्षा रोपण गरिएको हो ।
जुलाइ १ मा डिस्ट्रिक फस्ट गभर्नर लायन रेबत कार्कीको सहभागितामा मदन स्मृति आधारभूत बिद्यालयबाट सप्ताह सुरु भएको थियो । साथै समापन रिजन चेयर पर्सन राम निरौलाको सहभागितामा इटहरी रंगशालामा जुलाइ ७ मा भएको थियो । साताभरि नै बृक्ष रोपण कार्यमा विभिन्न लायन लिडर तथा दुबै क्लबका लायन सदस्यहरुको उत्साह जनक उपस्थिति रहेको थियो । सप्ताह कार्यक्रम संयोजक लायन राजेन्द्रप्रसाद घिमिरे र लायन भबकृष्ण तिम्सिना रहेका थिए ।
