अच्युत भट्टराई
बराहक्षेत्र । भारतबाट सिधै घर आइपुगेका सुनसरीको बराहक्षेत्र–४ दुब्याही टोलका १ युवकलाई क्वारेन्टाइन पठाइएको छ ।
भारतको गुजरातमा मजदुरी गर्दै आएका उनी ५ दिन अगाडि सुनौली बोर्डर आइपुगेको बताउछन् । उनले भने–‘कसैले खोजी खबर गरेन, घरसम्म आउने आधार केही नभेटेपछि ७ जना मिलेर ६ हजारका दरले भाडा तिरेर आएका हौ ।’ उनी संगै आएकामध्ये २ जना सप्तरीमा छन् भने अर्का १ जना सुनसरीको झुम्कामा र अरु ३ जना मोरङको सुन्दरहरैचा गएका छन् ।
यसरी अव्यवस्थित रुपमा घरमै आइपुग्दा सुरक्षा ब्यबस्था हेरेर आश्चर्यमा परेको सोही वडाका अध्यक्ष आशाराम चौधरीले बताए । उनले भने मैले सिडियो साब लगायत माथिल्लो निकायमा खबर गरिसकेको छु यसरी मान्छे किन छोडियो
ती युवकलाई वडा अध्यक्षको उपस्थितिमा एम्बुलेन्सबाट बराहक्षेत्र ३ को महेन्द्र माबिमा रहेको क्वारेन्टाइनमा पठाइएको छ ।
