तेह्रथुम । जिल्ला आयुर्वेद स्वास्थ्य केन्द्र तेह्रथुमले सिंहवाहिनी विद्यालयको क्यारेन्टाईनमा रहेका ब्यक्तिहरुलाई आयुर्वेदिक औषधी प्रदान गरेको छ ।
क्यारेन्टाईनमा रहेका ब्यक्तिहरुलाई रोगप्रतिरोधक क्षमता वढाउने जडिबुटी जन्य आयुर्वेदिक औषधी प्रदान गरेको हो । केन्द्रले गुडुचीचुर्ण, अस्वगन्धाचुर्ण, च्यावनप्रास र जडिवुटि चिया प्रदान गरेको निमित्त कार्यालय प्रमुख अमिन्द्रकुमार पंडितले बताउनुभयो । स्वास्थ्य मन्त्रालय आयुर्वेद तथा वैकल्पिक चिकित्सा विभागको कोरोना रोकथामको लागि निर्देशित सामाजिक विकास मन्त्रालयको स्वस्थ जीवन कार्यक्रम अन्तरगत औषधिहरु वितरण गरिएको हो ।
उक्त औषधिले क्यारेन्टाईनमा रहेका ब्यक्तिहरुलाई रोगप्रतिरोधक क्षमता वढाउने बरिष्ठ बैध सुनिलकुमार साहले वताउनुभयो । आयुर्वेदिक औषधिहरुले कुनै नकरात्मक प्रभाव नपर्ने र मानिसमा जिवाणु र विषाणु जन्य रोगहरुसँग लड्न सक्ने क्षमता बढाउने पनि वरिष्ठ वैध साहले बताउनुभयो । क्यारेन्टाईनमा रहेका २० जनालाई जडिवुटि जन्य चिया पनि प्रत्येक दिन प्रदान गर्ने केन्द्रले जनाएको छ । यो लकडाउनको समयमा जेष्ठ नागरिक, गर्भावस्थाका र सुत्केरी महिलालाई विषेस ग्राहयता दिई अरु सर्वसाधारणलाई पनि कोरोना रोगथामको लागि आयुर्वेदिक औषधी प्रदान गरिरहेको कार्यालयले जनाएको छ ।
