इटहरी । इटहरी अस्पतालको सेवा स्तरोन्नतिका लागि प्रदेश सरकारसँग माग गरिएको छ ।
इटहरी उपमहानगरद्वारा संचालित इटहरी क्षेत्रको एक मात्र सरकारी स्वामित्वको इटहरी अस्पतालको सेवा स्तरोन्नती र सुदृढीकरणका लागि सामाजिक विकास मन्त्री जीवन घिमिरे समक्ष प्रदेश सासद लिलम बस्नेतको नेतृत्वमा गएको डेलिगेशन टोलीले माग पत्र पेश गरेको हो ।
इटहरी अस्पतालको ईमर्जेन्सी इन्चार्ज रामकुमार धमलाकाअनुसार आगामी आर्थिक बर्षको वजेटमा अस्पतालको अस्पतालको स्तरोन्नतीलार्ई समेट्न अनुरोध गरिएको छ । आगामी बर्षको बजेट डेढ करोड छुटयाइदिन अनुरोध गरिएको छ ।
मन्त्री घिमिरेले अस्पतालको विकास र स्तरोन्नतिको योजनालाई प्राथमिकतामा राखिने वताउनु भएको अस्पताल संचालक समितिका अध्यक्ष भुपेन्द्र बरालले बताउनुभयो । कोरोना संक्रमणको अहिलेको अवस्थामा समेत इटहरी अस्पतालले कोभिड–१९ को परीक्षण, फिभर क्लिनिक संचालन, क्वारेन्टाइन व्यवस्थापन, २४ सै घण्टा ईमर्जेन्सी र डेलिभरि सेवा लगायत स्वास्थ्य विमा सेवाहरु निरन्तर दिई रहेको छ ।
विरामीको चापलाई हेर्दा अस्पतालको स्तरोन्नती आवश्यक रहेको अस्पतालका निमित्त मेडिकल सुपरिटेन्डेन्ट डा. मनिषकुमार शर्माले बताउनुभयो । डेलिगेशनमा प्रदेश सासद लिलम वस्नेत, अस्पताल सचालक समिति अध्यक्ष भुपेन्द्र वराल, संचालक समिति सदस्य संजिव खड्का, अस्पतालको निमित्त सुपरिटेन्डेन्ट डा मनिषकुमार शर्मा र ईमर्जेन्सी विभाग प्रमुख रामकुमार धमलाको सहभागीता थियो ।
चालु आर्थिक बर्षमा प्रदेश सरकार सामाजिक विकास मन्त्रालयबाट इटहरी अस्पताललाई औजार उपकरण सहित ३० लाख वजेट उपलब्ध भएको थियो । इटहरी अस्पतालमा गत साउन १५ गतेदेखि २४ सै घण्टा इमरजेन्सी सेवा समेत संचालित छ । इमरजेन्सी सेवाको सामाजिक विकास मन्त्री जीवन घिमिरेले उदघाटन गर्नुभएको थियो । उद्घाटनका अवसरमा उहाँले इटहरी अस्पतालको स्तरोन्नतीका लागि प्रदेश सरकारले कुनै कसर बाँकी नराख्ने बताउनुभएको थियो ।
