धरान । लकडाउन लम्बिदै जाँदा उत्पन्न हुने खाद्यन्नको संकट टार्न विभिन्न संघ, संस्थाहरुबाट राहत संकलन गर्ने क्रम जारी रहेकै बेला धरान १५ मा क्रियाशिल बाँझोगरा बहुउद्देश्यीय कृषक समूहले पनि शेयर सदस्यहरुबाट राहत संकलन गरी सोही वडा कार्यालयलाई हस्तान्तरण गरेको छ ।
शेयर सदस्यहरुबाट संकलन गरिएको ६०० केजी चामल, ६० केजी नुन, ६० केजी दाल, ६० लिटर खाने तेल गरी ६० हजार बराबरको राहत धरान–१५ नम्बर वडा कार्यालयलाई शुक्रबार हस्तान्तरण गरिएको समूहकी अध्यक्ष ज्योति लिम्बूले बताइन् ।
समूहकोतर्फबाट उक्त राहत वडा अध्यक्ष नरेशकुमार ईवारमलाई हस्तान्तरण गरेपछि धरान–१५ स्थित गर्वलाल टोल र महादेव चौकका अति विपन्न ६० घरपरिवारलाई आजै वितरण गरिएको छ ।
