सुनसरीको इनरुवा नगरपालिका-२ मा धान रोपाइँ गर्नका लागि सानो हाते ट्रयाकटरले खेत जोत्दै किसान । यतिबेला यहाँका किसान धान रोप्ने तयारीमा छन् । तस्बिर - नवीन गड्तौला
दाङको घोराही उपमहानगरपालिका–१२ अवलडाँडामा किसान शक्तिराम डाँगीले व्यावसायिक रूपमा सञ्चालन गरेको ड्रागन फ्रुट फार्ममा फुलेका ड्रागन फ्रुटका फूल। डाँगीले दुई बिघाभन्दा बढी क्षेत्रफलमा ड्रागन फ्रुट खेती गर्दै आउनुभएको छ। तस्बिर- कुलदीप न्यौपाने-रासस
ताप्लेजुङ । जिल्लामा प्रदेशस्तरीय अलैँची महोत्सव आयोजना हुने भएको छ । जिल्लाको आठराई त्रिवेणी गाउँपालिकाको केन्द्र हाङपाङमा आगामी असार १२ र १३ गते महोत्सव सञ्चालन गरिने भएको हो ।महोत्सव मूल समारोह समितिका संयोजक बालचन्द्र आङबुहाङका अनुसार आठराई त्रिवेणी गाउँपालिका र कृषि ज्ञान केन्द्र ताप्लेजुङको आर्थिक सहयोगमा आयोजना हुन लागेको महोत्सवले अलैँची खेतीको प्रवद्र्धन, उत्पादन वृद्धि तथा बजार विस्तारमा महत्वपूर्ण योगदान पुर्याउने अपेक्षा गरिएको छ ।महोत्सवमा अलैँचीका बोटबिरुवा तथा फलको प्रदर्शनी, अलैँचीजन्य उत्पादनहरूको प्रदर्शनी, उत्कृष्ट तथा कमजोर अलैँची बगानको अवलोकन र पहिचानलगायत कार्यक्रम समावे
भोजपुर । भोजपुरको अरुण गाउँपालिका–७ सिक्रेटारस्थित मैदानेका किसान पछिल्लो समय व्यावसायिक रुद्राक्ष खेतीतर्फ आकर्षित भएका छन् । परम्परागत खेतीभन्दा कम मेहनतमा राम्रो आम्दानी हुने भएकाले यहाँका कृषक रुद्राक्ष खेतीलाई मुख्य आयस्रोतका रूपमा विकास गर्न लागिपरेका हुन् । स्थानीय किसान प्रदीप थापाका अनुसार रुद्राक्ष खेतीबाट किसानले वार्षिक न्यूनतम एक लाखदेखि पाँच लाख रूपैयाँसम्म आम्दानी गर्ने गरेका छन् । “रुद्राक्षको सिजन सुरु भएपछि गाउँमै व्यापारी आउने गर्छन्”, उहाँले भन्नुभयो, “देशका विभिन्न ठाउँबाट खरिदका लागि आउने भएकाले बजारको समस्या छैन । जसले किसानलाई थप उत्साहित बनाएको
इलाम । पछिल्लो समय इलामका किसान व्यावसायिक सुपारीखेतीतर्फ आकर्षित हुन थालेका छन् । कम लगानी र थोरै मेहनतमा राम्रो आम्दानी हुने देखिएपछि यहाँका किसान खाली जमिनमा व्यावसायिक सुपारी खेतीतर्फ आकर्षित हुन थालेका छन् । यहाँका एउटै किसानले आठ हजार बोटसम्म सुपारी लगाउने गरेका छन् ।माई नगरपालिका–९ का किसान अक्कलबहादुर राईले यसवर्ष मात्र २५ क्विन्टल सुपारी बिक्री गर्नुभएको छ । “मैले अन्य खेती मासेर सबैजसो जग्गामा सुपारी रोपेको छु, आधा बोटबाट आम्दानीसमेत लिन थालिसकेको छु”, उहाँले भन्नुभयो, “प्रतिकेजी ७० सम्ममा घरबाटै बिक्री हुने गरेको छ ।” एकपटक मेहनत गरेमा सजिलै फल्ने भएकाल
सुनसरीको गढी गाउँपालिका-३, छिटाहामा किसानले लगाएको उखु खेती । उखु मिलले समयमा भुक्तानी नदिएका कारण लगानी जोखिममा पर्ने भएपछि जिल्लामा उखु खेती गर्ने किसान घटेका छन् । तस्बिर - नवीन गड्तौला
भोजपुरको टेम्केमैयुङ गाउँपालिका–२ छिनामखुका किसानले व्यावसायिक रुपमा गरिएको सुन्तला खेती । यहाँ किसानले सुन्तला बिक्रीबाट वार्षिक रु एक लाखदेखि रु सात लाखसम्म आम्दानी गर्दैआएको सुन्तला कृषक वडासदस्य जीवन राईले जानकारी दिनुभयो । तस्बिर- युवराज विष्ट-रासस
सुनसरीको इनरुवा बजारमा लिच्ची किनमेल गर्दै स्थानीय बासिन्दा। लिच्ची एक मुठा (५० दाना) को सय रुपियाँका दरले बिक्री भइरहेको व्यापारी बताउँछन्। तस्बिर- नवीन गड्तौला-रासस
सुनसरीको इनरुवा नगरपालिका-४ मा साइकलमा दूध बाेकेर इनरुवा बजारमा बिक्री गर्न लैजाँदै किसान । तस्बिर - नवीन गड्तौला
सुनसरीको कोसी गाउँपालिका–३ मा थ्रेसर मेसिन (आधुनिक प्रविधि) बाट मकै दाउनी गर्दै किसान। यतिबेला यहाँका किसानलाई मकै थन्क्याउने चटारो छ । तस्बिर- नवीन गड्तौला-रासस
