इटहरी । विपन्न परिवारका युवा, युवतीहरुलाई दिगो तथा सम्मानित रोजगारीका लागि सिप मुलक तालिम प्रदान गर्ने उद्देश्यले नरबहादुर कर्माचार्य बहुप्राविधिक विद्यालय इटहरीले युवाहरु छनोट गरेको छ ।
सामाजिक विकास मन्त्रालय कोशी प्रदेशको आर्थिक सहयोग, होटल व्यवसायी महासंघ कोशी प्रदेश र उद्योग संगठन मोरङको सहकार्यमा सञ्चालन गरिने दुई बर्षे औद्योगिक प्रशिक्षार्थी तालिमका लागि ४० जना युवाहरु छनोट गरिएको हो ।
नरबहादुर कर्मचार्य बहुप्राविधिक विद्यालय इटहरीका अध्यक्ष निर्मल बरालको अध्यक्षतामा भएको छनोट कार्यक्रममा सहभागिताका लागि आएका युवाहरुलाई इन्स्योर नेपालका घनश्याम लिम्बूले सहजिकरण गरेका थिए ।
तालिम लिएका युवाहरुलाई व्यवस्थापन गर्ने विषय केन्द्रित होटल व्यवसायीहरुसंग छलफल समेत गरियो । कार्यक्रममा होटल व्यवसायी संघ इटहरीका सचिव आरोण कार्की, नरोत्तम खड्का, पर्यटन व्यवसायी बासुदेव बराल लगायतका अतिथीहरुको सहभागिता रहेको थियो ।
