विराटचौक । आय आर्जनका लागि महिलाहरुलाई सिप प्रदान गरी आत्मनिर्भर बनाउनका लागि मोरङको सुन्दरहरैचामा सञ्चालित १५ दिने कृष्टल बनाउने तालिम सम्पन्न भएको छ ।
प्रदेश नम्बर १ प्रदेस सभा सदस्य चुमनारायण तवदारको सांसद कोषबाट सुन्दरहरैचा नगपालिकाका २५ जना महिलाहरुका लागि सञ्चालित तालिम एक कार्यक्रमका विच समापन गरिएको हो ।
प्रगती महिला समाज सुन्दरहरैंचा–२ को आयोजना रहेको तालिममा सहभागी महिलाहरुलाई कार्यक्रमा राष्ट्रिय सभा सदस्य रमेशजंग रायमाझी, प्रदेश सभा सदस्य चुमनारायण तवदारले प्रमाण पत्र वितरण गरेका थिए । कार्यक्रममा सुन्दरहरैंचा नगरपालिकाकी उपप्रमुख धनमाया तामाङ, सुन्दरहरैंचा–४ का वडाध्यक्ष शैलेन्द्र श्रेष्ठ, वडा नम्बर ३ का वडाध्यक्ष जीवनप्रसाद ढुंगाना, वडा नम्बर ६ वडाध्यक्ष जीवनकुमार राई लगायतको उपस्थिति रहेको थियो । सो तालिममा सहभागीमध्ये कृषा लिम्बुूर संगीता पोखरेललाई उत्कृष्ट घोषित गरि पुरस्कृत समेत गरिएको थियो । प्रगति महिला समाजकी अध्यक्ष पार्वती गच्छारको अध्यक्षतामा सम्पन्न तालिम समापन कार्यक्रमका सहभागिहरुले महिलाहरुका लागि आयमुलक तालिम दिएर आय आर्जनमा लागाउनु सामाजिक विकासमा योगदान पुर्याउनु हो भन्दै महिला स्वरोजगारीमा जोड दिए । तालिममा सुन्दरहरैंचा नगरपालिका वडा नम्बर २, ३, ४, ५, ६ र ७ नम्बर वडाका सहभागिता रहेको थियो भने तालिममा राधा नेपालले सहजिकरण गर्नु भएको थियो ।
