इटहरी । इटहरी उपमहानगरले आगामी आर्थिक बर्षको वजेट नीति तथा कार्यक्रमका बारेमा सुझाव संकलन गरेको छ ।
बजेट तथा योजना तर्जुमा समितिले बिभिन्न क्षेत्रका व्यक्तित्वहरुसँग छलफल गरि सुझाव लिएको हो । समितिकी संयोजक उपमेयर लक्ष्मी गौतमका अनुसार विज्ञ सल्लाहकार, नागरिक समाज, आदिवासी जनजाती, पिछडावर्ग, दलित समूदाय, महिला संजालसँग छलफल गरि सुझाव संकलन गरिएको छ ।
यसैगरी एकल महिला, अपांगता भएकाहरु, कलाकार, साहित्यार, पत्रकार, युवा उद्यमीहरुको सुझाव लिइएको छ । आगामी आर्थिक बर्षको वजेटमा क्षमता अभिवृद्धि भन्दा पनि उत्पादन र आय आर्जनसँग जोड्ने खालका कार्यक्रमहरुलाई उपमहानगरले प्राथमिकता दिने भएको छ ।
त्यस्ता के के कार्यक्रम कसरी संचालन गर्न सकिन्छ भन्ने बिषयमा महत्वपूर्ण सुझावहरु प्राप्त भएको गौतमले बताउनु भयो ।
यसै सन्दर्भमा विहीबार इटहरीमा क्रियाशिल पत्रकारहरुसँग छलफल गरिएको थियो ।
छलफलपछि नेपाल पत्रकार महासंघ सुनसरी शाखा सभापति अमर खड्काले पत्रकारहितका लागि लिखित सुझाव पेश गर्नु भएको छ । सहभागी पत्रकारहरुले विगतका कार्यक्रमलाई निरन्तरता दिनु पर्ने सुझावसमेत दिएका छन् ।
