काठमाडौं । नेपाल कम्युनिष्ट पार्टी (ने.क.पा.) का सांसद रामकुमारी चौधरीले सुनसरी सदरमुकाम इनरुवामा भएको आगलागी बारे प्रतिनिधि सभामा सरकारको ध्यानाकर्षण गराउनु भएको छ ।
बैठकको बिशेष समयमा बोल्दै सांसद चौधरीले हनुमान बस्त्रालयबाट लागेको आगोले छेउको सृजना फाइनान्स र हार्डवेयर गरि छ घरपरिवारमा क्षती पुर्याएको सांसद चौधरीले बताइन् ।
धरान, इटहरी, दुहबी, बराहक्षेत्र, सुन्दरहरैचा र बिराटनगरको दमल प्रयोग गरी सेना, सशस्त्र प्रहरी, नेपाल प्रहरी र स्थानीयहरुले आगो निभाएका थिए । पीडितहरुलाई सरकारको तर्फबाट क्षतिपूर्ति दिनु पर्ने माग समेत गरेकी छिन् ।
साथै सुनसरी लगायत देशै भरीका कोरोना संक्रमित राख्ने क्वारेन्टाइनहरु अस्त व्यस्त रहेकोले व्यवस्थित गर्न समेत माग गर्नु भएको छ ।
तराईमा रहेको नेपाल भारत सिमानाहरुमा भारतीय पक्षबाट दिन प्रतिदिन बिभिन्न किसिमले स्थानीय तथा सीमा सुरक्षामा खटिएका सशस्त्र प्रहरीहरु माथि आक्रमण गर्ने र हत्यार समेत खोस्ने प्रयासहरु भैइरहेको सांसद चौधरीले बताउनु भयो । साथै नेपाली सेनालाई भात खुवाएर व्यापार गर्न लगाउने नभई सीमा रक्षा गर्न सिमानामा खटाउन समेत सरकारसङ्ग माग गरेकी छिन् । सशस्त्र प्रहरीको संख्या सीमा सुरक्षाको लागि थोरै भएकोले सपोर्टको लागि नेपाली सेनालाई सिमानामा पठाउनु पर्ने सांसद चौधरीले बताउनु भयो ।
