इटहरी । इटहरी उपमहानगरद्वारा वजेट निर्माण गरिरहदा इटहरीका युवा उद्यमीहरुसँग छलफल गरिएको छ ।
युवा उद्यमी मंचका केन्द्रीय सदस्य सुदीप घिमिरेको नेतृत्वमा भेला भएका युवा उद्यमीसँग छलफल गरिएको हो । युवा उद्यमीहरुले उपमहानगरले वजेटमा समेटनुपर्ने विषयमा ध्यानाकर्षण गराएका छन् । युवालाई उद्यमी वनाउने वुटम्याक्स तालिम, महिला उद्यमी सम्मेलन र वजेटमा युवा उद्यमी लक्षित योजना समावेश गर्न माग गरेका हुन् ।
इटहरी उपमहानगर प्रमुख द्वारिकलाल चौधरीले युवा उद्यमीहरुका माग प्रति उपमहानगर सकारात्मक रहेको बताउदै युवा उद्यमीहरुलाई धन्यवाद ज्ञापन गर्नुभयो । उपमेयर लक्ष्मी गौतमले उपमहानगर युवा उद्यमीसँगको समन्वयमा काम गर्न तयार रहेको वताउनुभयो ।
छलफल कार्यक्रममा युवाउद्यमी मंच सुनसरीका अध्यक्ष विनोद पौडेल, कुमुद निरौला, किरन पराजुली, सिनेट रिजाल, राजिव घिमिरे, जिसुन चापाँगाई, जर्मन पौडेल, राकेश श्रेष्ठ, मिसन पराजुली र गौरव सोनी लगायत हुनुहुन्थ्यो ।
